حكوومەتا عیراقێ
وەیا دیار ل 7/3/2010 هەلبژارتنێن حكوومەتا عێراقا فیدرال هاتنە گرن و هەتا نووكە حكوومەتا مەركەزی نەهاتینە دروستكرن |
|
هەلز عەلی
وەیا دیار ل 7/3/2010 هەلبژارتنێن حكوومەتا عێراقا فیدرال هاتنە گرن و هەتا نووكە حكوومەتا مەركەزی نەهاتینە دروستكرن و ئەڤێ چەندێ بێگومان دێ كارتێكرنا خو هەبیت لسەر هەرێما كوردستانا عێراقێ وەك نموونە دبیت ببیتە ئەگەرێ گیروبوونا هەلبژاتنێن چڤاتا پارێزگەهان. بەلێ تشتێ هەرەگرنگ ڤەدگریت بۆ دانانا حكوومەتێ و ئەگەر شیعەو سنە د موكوم و بەردەوام بن لسەر موقفێ خو بۆ گیرووكرنا دانانا حكوومەتا فیدرال، لڤێرە دێ رۆلێ كوردا چ بیت ئایا دێ وەك پەیكەرەك بن ل بەغدا یان دێ هەوڵدەن بووچوونا نیزیك بكەن یان ژی دێ دژی لیستەكێ راوەستن بۆ پێك ئینانا حكوومەتێ كو هەتا نوكە رۆلێ كوردا یێ ئەرینی بوویە. بەلێ كیژ ژ ڤان ئەگەرا د بەرژەوەندیا كورداندایە، چونكە گیروبوونا دانانا حكوومەتێ كارەكێ نەرینییە لسەر رەوشا عێراقێ و ب تایبەت كوردستانێ.
كو ئەڤرو ئەم ێ دبینین و بۆ دەمەكێ درێژە توخیبێن كوردستانێ یێن دهێنە توپبارانكرن ژ لایێ توركی و ئیرانێڤە. ئەڤە ژی ڤەدگەریت بۆ ئیستغلالكرنا وان وەلاتان لدور ئەڤ ململانا د ناڤبەرا حزب و لایەنێنن سیاسیێن عێراقێ پەیدا بووین ژ بۆ دانانا حكوومەتا عێراقێ و گیروبوونا وێ.
دڤێ حالەتێ دا كوردا نەچار د بن سحكەنە هەر پارتەكێ د بەرژەوەندیا وێ دا بیت. بەلێ، هەر وەسان هندەك جارا نەچار دبیت كو دەستێن خو بكەتە دەستێن هندەك لایانان دا كۆ دژی دۆزا مللەتێ كورد دبیت. بەلێ ب هۆشیاری سەرەدەریێ د گەل بكەت ژ بۆ پێكئینانا حكوومەتا عێراقێ، كۆ یا دیار زوربەی ڤان پارتا بەرێ پێكئینانا حكوومەتێ گەلەك سوز و پەیمان و گوتن دگەل كوردان گوت بوون بەلێ دەما حكوومەت د هێتە دامەزراندن زوربەیا وان پارتا ئاخفتێنێن خو ڤەدكێشێن.
ئایا بڤی شێوەیی تا چ رادە دشێن بەرژەوەندیێن كوردستانێ راگرین كو ئەم دزانین شاندێ كوردستانی یێ ڤێ جارێ بۆ دانووستاندنێ ل بەغدا و دگەل رونشتێن د گەل پارتێن عێراقی دێ بارەكێ گران دانینە ل سەر ملێن وان. چونكە پەرلەمانێ چووی لایەنێ بهێز ئێك لایەن بوو ئەو ژی شیعە بوون لڤیرە دشێن ب ساناهی بێژین كورد شیان هەڤپەیمانەكێ د گەل شیعا گریدەت، بەلێ پەرلەمانێ نووكە كوو سنە بووینە بارەكێ گران و بهێز هاتینە د قادا سیاسی دا، پێدڤییە لسەر مە ئەم د رژد بین لسەر هەلوێستێن خۆ بۆ پرسا كەركووك و دەڤەرێن ڤەقەتیایی دەمێ ئەم هەڤپەیمانیەكێ گرێدەین د گەل هەر پارتەكێ. چونكە دبیت ئەو پارتا هەڤپەیمان زور دەنگ نەبن، بەلێ كوردان رۆلەكێ بەرچاڤ هەیە د پێكئینان و ئێكبوونا عێراقێ دا.
دێ زڤرم و بێژم پێدڤییە ئەم كورد پتر رۆلەكێ كاریگەر ل عێراقێ بگرین، كۆ بزڤریت بوو ئێكبوونا لایەنێن سیاسێن كوردستانێ و بهێزبوونا رۆلێ سیاسەتمەدارێن كورد و ئێكبوونا زاردەڤیا كوردستانێ ل بەغدا، چونكە زوربەی جاران لایەنێن شوفینی استغلالا هەبوونا زێدەبوونا پارتێن سیاسی ل كوردستانێ دكەن، كۆ ب دیتنا وان ئەڤە د بیتە بێهزبوونەك د گورەپانا سیاسی یا كوردستانێ دا، لەورا دڤێت ئەم ڤێ چەندێ بەرچاڤ وەربگرین، چونكە مە كوردا شارەزاییەكا موكم یا د بوارێ سیاسەتا ڤان شوفێنیا دا یا هەی كۆ ب هێچ رەنگەكی و هێچ لایەنك ل كوردستانێ نەیێ بەرهەڤە كۆ پەرژەوەندیا كوردستانێ بدەتە ب پەرژەوەندیا خۆیا تایبەت و ئەڤ چەندە د بیتە هێزبوونەك بۆ پێشڤەبرنا كوردستانێ د ئاستەكێ مەزن دا ل بەغدا.
