 | |
| | |
ئیرادا ئازاد هێزا خو ژ زهنیەتەكا ئازاد وەردگریت . ئانكو ئاڤا كرنا ئیرادەیەكا ئازاد و بهێز خو دیرئێخستنە |
 |
رەڤەند گوهەرزی
ئیرادا ئازاد هێزا خو ژ زهنیەتەكا ئازاد وەردگریت . ئانكو ئاڤا كرنا ئیرادەیەكا ئازاد و بهێز خو دیرئێخستنە یان نەژیان و نەچونە ل بن ركێف و ئیرادا كەسەكێ دی .خوە نیاسین ئان دانانا پەویرەوەكێ بنگەهین بو ب رێڤەبرنا ژیان و راستڤەكرنا خالێن كو دبنە رێگر بەرامبەر پێشڤەچون و بەرفرەهكرنا ئاستێ رەوشەنبیری و زانستی تاك ژلایێ مورالیڤە كەسەكێ ئاڤاكری بیت دێ شێت ئازادیا كو دهێتە بەحسكرن فام كەت . شارستانیەت و پێشكەفتن و زانین دئیرادا ئازادا گەلاندا چاوگێ خوە وەردگریت . سیستەمێ كلتورێ كولەداری و فیودالی تاكێ كومەلگەهێ ب رەنگەكێ ئاسان بو خو بخودان دكەت .ل سەر ئایدولوژیا هان پەروەردە دبیت . ل سەر هەر ئاراستەیەكێ دڤێت باندور دكەت . بێدەنگیا رازیكرن و ژبیركرنێ عەقلیەتا گەمار گرتی و ڤەمانێ دزێدەبونێدایە . یاسا و رێڤەبرنا كومەلگەهێ دپێشڤەچونێدا زەرەرمەند دبن . رێڤەكرن و نیشاندان و بەرهەم ئانینا كومەلگەهەكا ئازاد راكرنا بەربەستانە ل هەمبەری بیرو ئینسیاتیفێ كومەلگەهێ . سەدەما دەست نەئانینا ئیمتیازێن عەقلی جهگرتنا باندورا دوگما تیزمێ یە . دڤێت تاك ئەرگیومێنتێن هزری و فەلسەفی وەك پرنسیپ وەرگریت . سیاسەتا كومەلایەتی دناف كومەلگەهێدا بەلانسێ وەكەڤی و پاراستنا بەرژەوەندی و مروڤبونێ رێك دئێخیت . ل سەر سیستەمێ فیودالی و سیاسەتا قالبگرتی راسیزمێ ...هتد،تاك كومەلگەهەكا ئایدیا و دروست ناكەت و نائافرینیت . سیستەمێ كولەداری وەك سیمایێ جڤاكی دمینیت. بێ ئیرادەبونا تاكێ رێكێ ل بەرامبەری گهورین و بەرپرساتیێ ئالوزو بەرتەنگ دكەت . گوتە دبێژیت (كەسێ كو خودان باوەر و ئیرادە بیت دكاریت جیهانێ ل دویف مەیلا خو بگهوریت) دجیهانا شارستانیەت و مودرنیەتێدا بەرپرساتیەكامەزن ل سەر مللێن تاكی و كومەلگەهێ درێدایی . ڤەكولین دبیاڤێن جودا جودا دا بو دیار كرنا بسپوری و تایبەتمەندێن شایستە ئانكو هەژی بو ئاراستەكرن و رێڤەبرنا پوستێ سەركردایەتیا خویی و كومەلگەهێ . بەلانسێ یەكسانیا رەگەزی و جێوازیا رەش و سپیا دەستكەفتەك ئەز موون بەخشە . ئەلترناتیفێ راگرتنا ئاستێ بەرپرساتیا تاكی و كومەلگەهێ دپیڤەرێن زانین و پێشڤەچونێدا دیار دبیت . سەقایێ هزری و خوراگرتنێ و مفاخوازیا كومەلایەتی كلتورەكێ نمونەیی بو بەرپرساتیا خوی وە گشتی دخولقینیت . شروڤەكرن و دەست نیشانكرنا قەیدو بەندێن عەشایری و كولەداری و مەزهەبی ...هتد، و خو رزگاركرن ژ سیستەمێ ژەرەنتوكراسی كو دبەرژەوەندا تایبەتدا دهێتە ب رێڤەبرن دێ زاناو بلیمەت دئاستێ بەرپرساتیا كومەلگەهێدا دەركەڤن . دادپەروەری و ماف ناسی و ئێك دوو قەبولكرن و یەكسانیا رەگەزی ل سەر بنەمایێن زانستی كەواتە گەهشتن ب فەلسەفا دایالوگێ . ئەخلاقی هوشیاری و رەفتارا ئازاد هونەرێ گەهشتن ب چەمكێ جوانیێ ب رەنگەكێ ئارەزومەندانە و گەهشتنا پێدڤیان . بەرپرساتی دگومانا سەكەفتن و شكستێدا بەلگەیە ل سەر لاوازیا بسپوری و بەرپرساتیا پێرا هاتیەدان . پاراستنا ئەخلاق و شارستانیەتا مللەتان پێدڤی كەسێن خودان ئیرادە و فكرەكا ئازادە . ئارمانج دبیركرنەكا بێ ئەنجامدا راستیا نزیك بونێ ڤەدشێریت . ئومێد دهزرێدا دەردكەڤیت و پەروەردەدبیت . گەلو زانا بون و ب ئیرادەبون سیمایێ بەرپرساتیەكا بهێز بو كومەلگەهێ ناخولقینیت...؟!
 |
 |
 |
 |
