 | |
| | |
 |
ل یادا 27مین سالروژا جینوسایدا بارزانیان
ئەم وەكی كەس و كارێت قوربانیێت جینۆسایدا بارزانیان، ل یادا 27 مین سالروژا جینوسایدا8000 بارزانیان،. هیڤی دارین لڤێ یادێدا دائەم هەمی دخزمەتا كەس وكارێت وان شەهیدا دابین بۆ ئاسودەكرنا دەرونێ دایك وخویشك وزاروكێت وان .
بەلێ توخمێ نێرینەیێ بارزانی ل رۆژا 31/7/1983 یێ ل كۆمەلگەهێت (قودس وقادسیە ) ل ناحیا قۆشتەپە ول رێكەفتی 10-/8/1983 یێ ل كۆمەلگەهێت ( حەریر، بەحركە،دیانا )، كەفتنە بەر رەشبگیریەكا بێ وێنە ل دیرۆكا جیهانێ، ئەویش ب گرتن و بێ دادگەه شەهیدكرنا 8000 هەزار كەسێ نێرینەیێ بارزانی، كو ئەڤەش كارەساتەكا بێ وێنە و میناكە، هەتا ڤێ گاڤێ بژل كورد بوون و بارزانی بوونێ هیچ تاوانەك ل سەر نەبوویە، ل بەر كو هەمی ئەو كەس بوون كو دناڤ كۆمەلگەهێت بندەستیێ تنێ ئارمانجا وان كاركرن و پەیدا كرنا پاریە نانێ پێژیانا زارۆك و مالا خۆ بوویە، زۆر ل وان زارۆك و خوارتر ل ژیێ 18 سالیێ دا بوون، زۆر ل وان پەككەفتی و نەخۆش و پیرەمێرێت نەخۆشێت ناڤنڤینا بوون .
ئەڤ كریارا هۆڤانە ل سپێدە زوویەكێ كر كو زۆر ل وان نانێ وان دجەندكا وان دا بوو و بەرەڤ كرێكاری و كارگەریێ دچون، بێی پرسین ل تەمەن و ناسنامە و ئاستێ رۆشنبیری و جڤاكی و شیانا كەسۆكی، بێی پرسین ل ئایەندە و پاشەرۆژا كەس و كارێت وان، بێی هەست كرن ب بەرپرسیارێتی یا نیشتیمانی وەك دەستهەلات و بێی هەست كرن ب دلۆڤانی و ویژدان و مرۆڤایەتی وەك مرۆڤ، هەمی تێكرا گرتن و برن و هەتا هەرفیانا رژێمێ چارەنڤیسێ وان ب بێ سەروشوین و نەدیار مابوو .
ئەگەر ئەم وەك بنەمایێت رێككەفتنێت ناڤنەتەوەیی و نەتەوێت ئێكگرتی بێخینە بەر چاڤێت خۆ ئەڤە ب هەمی رەنگا جینوسایدە، ئەڤ كریارا رژێما بەعس و سەركردایەتی یا وی دەمێ یا عێراقی تەڤاڤ دژی بنەما و مەبدەئێت مافێ مرۆڤ و دژی مرۆڤایەتیێ بوون .
ئەگەر ئەم وەك رەوشت و شەریعەتێ پیرۆزێ ئیسلامێ بنێرین، ئەڤە ل دژی ئایەت و حەدیس و رەوشت و رەفتارا بسلمانەتیێ یە و هیچ بهانەیەك بۆ نی یە كو ملەتەك ب گشتی بێتە ل ناڤ برن .
لێرەدا فەرە كو ب بیرا خۆ بینینەڤە كوشەهیدێت جینوسایدا بارزانیان 8000 هزارن، لێ پشتی جینوسایدێ، چەندان هەشت هەزار كێشە و گرفت و هزرەت و خەم و نەخۆشیێت گران بۆ كەس و كارێت وان شەهیدا مانە،كو ئاڤ وكەهرەبا وخواردن و قوتابخانە ل سەر كەس وكارێت وان نەهێلان وقەپات كرن، نەد هێلا كەس هاوكاریا وان بكەن، پتر ل هەشت سالان زێدەبون وبچویك پەیدا بون ل ناڤ بارزانیان نەبویە ل بەر نەبونا توخمێ نێرینە، كو ئەنجام چەندان هەزار قوربانیێت دیێت مای و ساخن، كو دڤێت ب قوربانی و جینۆساید كری بهێنە ژمار .
لەوما ئەم وەكی كەس و كارێت قوربانیێت جینۆسایدا بارزانیان داواكارین كو :
1. رەئیا گشتی ب تایبەت كەسایەتیێت خەباتكار د ناڤ رێكخراوێت مافێ مرۆڤ، جڤاكا مەدەنی، ل ولاتێت عەرەبی و ئیسلامی وجیهانێ كو هەر ئێك ل رێیا خۆ دەنگێ مەزلۆمیەت و ستەمدیدەیی یا گەلێ كورد ب تایبەت خەلكێ دەڤەرا بارزان بگەهینن سنورێت چالاكیێت خۆ .
2. داواكارین كو دەستهەلاتا فیدرالا عێراقی داخازا لێبورینێ ب ئاوایەكێ فەرمی ل گەلێ كورد ب گشتی و بارزانیان ب تایبەتی بكەت .
3. داواكارین كو دەستهەلاتا فیدرالی یا عێراقی هەرچی زوویە قەرەبوویا زیانێت مادی و مەعنەویێت كو ل ئەنجامێ نەمانا مێرێت بارزانی ل ناڤ خێزان و دوورخستن ل گوند و وارێ خۆ بێتەڤ كرن، كو ببیتە هاریكاریەك كو كەس و كارێت قوربانیێت جینۆسایدێ ل بارگرانی یا ژیان و نەخۆشیێت دەروونی و درێژدەم رزگار ببن .
4. داواكارین ل حكومەتا هەریما كوردستانێ ب زوترین دەم هەولبدەت بۆ دابین كرنا یەكێت نیشتەجێبونێ وپێدا نا پارچە زەڤی ل هەڤلێرا پایتەخت بۆ كەس وكارێت قوربانیێت جینوسایدا بارزانیان، كو هەتا نوكە لێ بێ بەش بوینە .
5. داخازێ ل حكومەتا هەرێما كوردستانێ دكەین كو ب جدی هەولبدەت بۆ ئینانەڤا هەمی روفاتێت شەهیدێت جینوسایدا بارزانیان كو هەتا نوكە ل بیابانێت باشورێ عێراقێدا مانە . بۆ ئەوەی ئەویش ب خاكا خو شاد بنەڤە .
6. هەروەها داوایێ ل دادگەها بلند یا تاوانێت عێراقی دكەین، كو ب رۆلێ پیرۆزێ خۆ هەستیت و تاوانبارێت كو هێشتا نەكەفتین ناڤ قەفەسا دادگەهێ بێخن بەر دادگەه كرنەكا دادپەروەری و سەر لنوی دادگەه بهێتەڤ دەسپێكرن، كو هەتا نوكە یا هاتیە راگرتن، وەزارەتا كاروبارێ شەهیدو ئەنفالكریاش هەولەكا جدی بدەت بۆ ڤێ مەبەستێ .
7. داخازێ ل حكومەتا هەرێما كوردستانێ دكەین كوئەگەر تایبەتیش بیت سلفێ زەواجێ بدەتە هەمی وان كوروكیژێت شەهیدو جینوسایدێ كول سالا 2005 – 2006 –هندەك یێت 2007 ژیانا هاوسەری پێك ئینای وسلفە پێ نەهاتیە دان هەمیا معاملێت خو یێت كری كو 412 كەسن .
بژی كورد بژی كوردستان
سلاڤ ل كەس و كارێت جینۆسایدا گەلێ كورد
ب تایبەت دایك و خووشكێت خۆ راگر
كەس و كارێت قوربانیێت جینوسایدا بارزانيان
 |
 |
 |
 |
